इलाम । नेपाली कांग्रेसले इलाम क्षेत्र नं. २ को उपनिर्वाचनका लागि ७ जनाको नाम केन्द्रमा पठाएको छ ।

नेपाली कांग्रेस कोशी प्रदेश कार्यसमितिका सभापति उद्धव थापाले आकांक्षीहरूको नाम केन्द्रीय कार्यालयमा पठाएको बताएका छन् ।

सभापति थापाका अनुसार ५ जना पुरुष र २ जना महिलाको नाम कोशीले केन्द्रीय कार्यालय सानेपा पठाएको छ ।

टिकटका लागि आकांक्षीहरूमा नेपाली कांग्रेस इलामका जिल्ला सभापति डम्बरबहादुर खड्का पहिलो नम्बरमा छन् । खड्काले यसअघि पनि टिकट पाएका थिए । एमालेका सुवासचन्द्र नेम्वाङसँग खड्काले झिनो मतले पराजित भएका थिए । सभापति खड्का इलाममा लोकप्रिय मानिन्छन् ।

टिकट दाबी गर्नेहरूमा भेषराज आचार्य, केशव थापा, नगेन्द्र कुमाल, रमेश लिङ्देन, चन्द्रमाया लिम्बू र शान्तिकला तामाङ रहेका छन् ।

भदौ २६ गते एमालेका नेता समेत रहेका सांसद सुवासचन्द्र नेम्वाङको निधन भएपछि इलाम क्षेत्र नं. २ मा उपनिर्वाचन हुन लागेको छ ।