दुई करोड इन्साइडर ट्रेडिङ कसूरमा गुरुप्रसाद र कुवेरविरुद्ध मुद्दा

काठमाडौं । सम्पत्ति शुद्धीकरण अनुसन्धान विभाग, पुल्चोक, ललितपुरले पहिलो पटक इन्साइडर ट्रेडिङ कसूरमा गुरुप्रसाद न्यौपानेविरुद्ध विशेषअदालतमा मुद्दा दायर गरेको छ ।

सम्पत्ति शुद्धीकरणको कसूरमा प्रारम्भीक जाँचबुझ तथा अनुसन्धान हुँदा रिडी पावर कम्पनी लिमिटेडका लागि तत्कालीन अध्यक्ष न्यौपानेले उक्त कम्पनीको शेयर पदमा बहाल रहँदा भित्री कारोबार गरेको देखिएको विज्ञप्तिमा उल्लेख छ ।

न्यौपानेले अर्का प्रतिवादी कुवेरमणि नेपालको सहजीकरण र मिलोमतोमा १ करोड ९९ लाख १० हजार २ सय ५२ रुपियाँ रकम जानीजानी प्राप्ति, धारण एवम् निःसर्ग समेत गरी मनी लाउण्डरिङ गरेको अभियोग विभागले लगाएको छ ।

न्यौपानेविरुद्ध मनी लाउण्डरिङको अभियोगमा विभागले रोक्का राखिएको सम्पत्तिमध्येबाट जफत हुने र अर्का प्रतिवादी कुवेरमणि नेपालविरुद्ध विशेष अदालत काठमाडौं समक्ष कात्तिकको २४ गते अभियोगपत्र दायर गरेको जनाएको छ ।

Published : Sunday, 2024 January 28, 12:10 pm