रूक्मा थापा जुवा खेल्दा खेल्दै पक्राउ, ओखलढुङ्गा र काठमाडौंमा प्रहरी छापा

काठमाडौं । ओखलढुङ्गा र काठमाडौंमा जुवातास खेलिरहेको अवस्थामा १६ जनालाई प्रहरीले पक्राउ गरेको छ ।

काठमाडौं महानगरपालिका-७ सिफल डेरा गरी बस्ने तनँहु घर भएकी ५४ वर्षीया रूक्मा थापाको कोठामा जुवातास खेलिरहेको अवस्थामा थापा समेत १० जनालाई मंगलबार साँझ प्रहरीले पक्राउ गरेको विज्ञप्तिमा उल्लेख छ ।

प्रहरी वृत्त गौशालाबाट खटिएको प्रहरीले उनीहरूलाई नगद १ लाख ९३ हजार २ सय रूपियाँ र ८ बुक ताससहित पक्राउ गरेको छ ।

उता, ओखलढुङ्गाको सिद्धिचरण नगरपालिका-११ मिलनचोक बस्ने ५० वर्षीय कोटिकाबहादुर गिरीको माया होटलमा जुवातास खेलिरहेको अवस्थामा गिरीसहित ६ जनालाई मंगलबार दिउँसो प्रहरीले पक्राउ गरेको छ ।

जिल्ला प्रहरी कार्यालय ओखलढुंगाबाट खटिएको प्रहरीले उनीहरूलाई नगद ३४ हजार ६ सय २० रूपियाँ र ३ बुक ताससहित पक्राउ गरेको हो ।

Published : Wednesday, 2024 January 24, 3:01 pm