कोठाभित्र रक्सीका बोतल, रिनाको शव सडकमा
विराटनगर । मोरङ जिल्लामा एक महिलाको शव नग्न अवस्थामा फेला परेको छ ।
पथरीशनिश्चरेमा शनिबार बिहान स्थानीय रिना बस्नेतलाई हत्या गरी फालिएको अवस्थामा फेला परेको जिल्ला प्रहरी कार्यालय मोरङले जनाएको छ ।
मोरङका प्रहरी प्रमुख एसपी मनोज केसीले २९ वर्षीया बस्नेतको शव बिहान मर्निङ वाकका क्रममा स्थानीयले फेला पारेको बताएका छन् ।
शव नजिक रगत भेटिएका कारण बस्नेतको बलात्कारपछि हत्या गरेको हुनसक्ने आशंका एसपी केसीको रहेको छ ।
बस्नेतको शव डेरा गरी बस्दै आएको घर नजिकै भेटिएको थियो । १४ वर्षीय छोराका साथ बस्दै आएकी बस्नेतको श्रीमान् वैदेशिक रोजगारीमा छन् ।
शुक्रबार साँझ सांगीतिक कार्यक्रम हेर्नका लागि घरबाट निस्किएकी बस्नेतको निवस्त्र अवस्थामा शव फेला परेको एसपी केसीले जानकारी दिए ।
बस्नेतले कस्मेटिक पसल सञ्चालन गर्दै आएकी थिइन् । बस्नेतको कोठाबाट केही मदिराको बोतल फेला परेको छ ।
फेसबुकबाट तपाईको प्रतिक्रिया
बिचार/ब्लग
लामिछानेलाई बचाउन प्रचण्डले हुकुम प्रमाङ्गी गरेपछि कांग्रेसले के भन्यो ?
सञ्जय गौतम, सांसद, नेपाली कांग्रेस, प्रतिनिधि सभा
यसमा तपाइको मत