कम्युनिस्ट सरकारविरुद्ध ललितपुरमा आगो बल्यो (तस्वीर)
ललितपुर । कम्युनिस्ट सरकारविरुद्ध ललितपुर जिल्लामा शुक्रबार स्थानीयले मसाल जुलुस निकालेका छन् ।
सरकारले ल्याएको गुठी विधेयकको विरोधमा शुक्रबार साँझ स्थानीयले मसाल जुलुस निस्किएका हुन् ।
पाटन दरबार स्वायरबाट बेलुका साढे ६ बजे मसाल जुलुस शुरु भएको थियो ।
करीव आधा घण्टासम्म मसाल जुलुस निकालिएको थियो । मसाल जुलुस पाटन मंगलबजारबाट शुरु भएर गाभाहल, असोक हल, पाटन ढोका हुँदै पुनः मंगलबजारमा आएर सम्पन्न भएको थियो ।
गुठी संरक्षण आन्दोलनका अभियन्ता रविन्द्र ताम्राकारले सरकारले गठी विधेयकमार्फत संस्कृति, सम्पदा मास्न खोजेको र सामान्य रुपमा आन्दोलन गर्दा सुनुवाई नभएकाले मसाल जुलुस निकाल्नुपरेको बताएका छन् ।
न्युच्छे महर्जनले सरकारले गम्भीर भएर नसोच्दा जनताले आगो बालेर हिड्नुपर्ने अवस्था आएको बताएका छन् ।
यसअघि बिहीबार कम्युनिस्ट सरकारविरुद्ध ललितपुरका नेवार समुदायले भव्य प्रदर्शन गरेका थिए । गठी विधेयकको विरोधमा दैनिक जसो प्रदर्शन हुँदै आएको छ ।
फेसबुकबाट तपाईको प्रतिक्रिया