लुम्बिनीमा सत्ता गठबन्धनको समन्वय समिति गठन

देउखुरी । लुम्बिनी प्रदेशमा सत्ता गठबन्धनले राष्ट्रियसभा निर्वाचन लक्षित समन्वय समिति गठन गरेको छ ।

बिहीबार बसेको गठबन्धनको बैठकले राष्ट्रियसभा निर्वाचनमा गठबन्धनका उम्मेदवारलाई जिताउन समन्वय समिति गठन गरेको हो ।

नेपाली कांग्रेस लुम्बिनी प्रदेश सभापति अमरसिंह पुनको संयोजकत्वमा राष्ट्रियसभा निर्वाचन प्रदेश समन्वय समिति गठन गरिएको बैठकपछि जारी प्रेस विज्ञप्तिमा उल्लेख छ ।

बैठकले प्रदेशका सबै जिल्लाका स्थानीय तहका प्रमुख÷उपप्रमुख र जिल्ला नेतृत्वसँग भेटघाट गर्न माघ २ गतेदेखि जिल्ला–जिल्ला जाने निर्णय गरेको छ ।

लुम्बिनी प्रदेशमा सत्ता गठबन्धनले झक्कुप्रसाद सुवेदी र विष्णुकुमारी सापकोटालाई राष्ट्रिय सभा निर्वाचनमा उम्मेदवार बनाएको छ ।

सुवेदी नेकपा (माओवादी केन्द्र)को तर्फबाट र सापकोटा कांग्रेसको तर्फबाट उम्मेदवार बनेका हुन् ।

Published : Thursday, 2024 January 11, 11:40 pm