लागूऔषधसहित दुई जना पक्राउ

काठमाडौं । कैलालीमा प्रहरीले दुई जनालाई लागुऔषधसहित पक्राउ गरेको जनाएको छ ।

धनगढी उपमहानगरपालिका–३ त्रिनगर ब्यारेलबाट अवैध लागूऔषध ब्राउनसुगर १ ग्राम १ सय ५० मिलिग्रामसहित सोही उपमहानगरपालिका–४ बोराडाँडी बस्ने २२ वर्षीय विज्ञान बस्नेतलाई शुक्रबार दिउँसो प्रहरीले पक्राउ गरेको जनाएको छ ।

जिल्ला प्रहरी कार्यालय कैलालीबाट खटिएको प्रहरीले उनलाई लागूऔषधसहित पक्राउ गरेको हो ।

कञ्चनपुरको भीमदत्त नगरपालिका–९ ब्रह्मदेब बजारबाट अवैध लागूऔषध खैरो हेरोईन १ ग्राम ३७ मिलिग्रामसहित सोही नगरपालिका–१० बस्ने २४ वर्षीय प्रमल नाथलाई शुक्रबार बेलुकी प्रहरीले पक्राउ गरेको छ ।

ईलाका प्रहरी कार्यालय ब्रह्मदेबबाट खटिएको प्रहरीले भारत टनकपुरबाट नेपालतर्फ आउँदै गरेको म.१ प ७१३४ नम्बरको मोटरसाइकललाई जाँच गर्ने क्रममा चालक प्रमललाई उक्त लागूऔषधसहित पक्राउ गरेको हो ।

Published : Saturday, 2023 October 21, 9:17 pm