काठमाडौं । गैरआवासीय नेपाली संघ (एनआरएनए)को आइसीसी उपाध्यक्ष पदमा उम्मेदवारी दिएका राजु रेग्मी ‘राजु’ले ११औं महाधिवेशनमा सहभागी हुन काठमाडौं आएका प्रतिनिधिहरूलाई स्वागत गर्दै गरेका छन् ।

रेग्मीले प्रतिनिधिहरूलाई आफ्नोतर्फबाट स्वागत गरेका हुन् । उनले सामाजिक सञ्जालमार्फत महाधिवेशनमा सभागी हुन विश्वभरिबाट आएका प्रतिनिधिहरूलाई स्वागत गरेका हुन् ।

रेग्मीले विश्वभरि छरिएर रहेका एनआरएनएको हितमा काम गर्नका लागि आफूले उपाध्यक्ष पदमा उम्मेदवारी दिएको बताएका छन् । उनले आफूलाई उपाध्यक्ष पदमा मतदानका लागि अपील गरेका छन् ।

एनआरएनएको महाधिवेशन आज (मंगलबार)बाट काठमाडौंमा शुरु हुन लागेको छ ।

रेग्मी एनआरएनएका वर्तमान युवा उपाध्यक्ष समेत हुन् । उनले उम्मेदवारीसँग ८ संकल्प पनि सार्वजनिक गरेका छन् ।

कतारमा बस्दै आएका रेग्मीले एनआरएनएमा परिणाममुखी काम गर्ने जनाएका छन् । उनले आफूलाई उपाध्यक्षमा मतदान गरेर विजयी बनाउन अनुरोध गरेका छन् ।

उनले भने, ‘मेरा प्रतिवद्धताहरूलाई घोषणा पत्रमा मात्रै सीमित नराखेर प्रतिनिधिहरूले दिएको जिम्मेवारी पूरा गर्नेछु ।’

रेग्मीले आफ्ना संकल्प अभियन्ता, आम गैर आवासीय नेपाली, डेलिगेट्सलाई सार्वजनिक गरेका छन् ।