तस्करीमा मुछिएपछि एसपी भारती र डीएसपी खड्का तानिए, अनुसन्धान हुँदै

काठमाडौं । सशस्त्र प्रहरी बल गण नम्बर ७ सिरहाका सशस्त्र प्रहरी उपरीक्षक (एसपी) प्रमोद भारतीलाई सशस्त्र प्रहरी नम्बर २ छिन्नमस्ता बाहिनी बर्दिवास तानिएको छ ।

सिरहामा चार दिनमा ठूलो परिमाणमा अवैध कपडा बरामद भएपछि सशस्त्र प्रहरी उपरीक्षक भारती बाहिनीमा तानिएका हुन् ।

सशस्त्र प्रहरी बल नम्बर २ छिन्नमस्ता बाहिनीका बाहिनीपति डीआईजी दीपेन्द्र शाहले आवश्यक सोधपुछका लागि भारतीलाई बोलाइएको बताएका छन् । उनले दोषी मानिए कारबाही गर्ने बताएका छन् ।

गण नम्बर ७ मा डीएसपी दीपेन्द्र थापालाई पठाइएको छ । सशस्त्र एसपी भारतीसँगै अन्य केही सशस्त्र प्रहरी अधिकारीलाई पनि सिरहाबाट बाहिनीमा सोधपुछका लागि तानिएको छ ।

सशस्त्र प्रहरी बल माडर सिरहामा रहेका डीएसपी रामहरि खड्का पनि बाहिनी तानिएका छन् । सिरहामा दैनिकरुपमा अवैध कपडा बरामद हुन थालेको छ ।

Published : Tuesday, 2023 October 3, 11:48 pm