उत्तर प्रदेशमा विवाद भइ गोली चल्दा छ जनाको मृत्यु
नयाँदिल्ली । भारतको उत्तर प्रदेशमा एकै परिवारका ६ जनाको हत्या भएको छ ।
प्रदेशको देवरिया जिल्लास्थित रुद्रपुरनजिकै सोमबार बिहान एकै परिवारका ६ जनाको हत्या भएको भारतीय सञ्चार माध्यमहरूले जनाएका छन् ।
जिल्लाको फतेहपुर गाउँमा जग्गा विवादमा एकै परिवारका ६ जनाको हत्या गरिएको दैनिक जागरणले जनाएको छ ।
समाचारमा जनाइएअनुसार उक्त परिवारको गाउँकै एक व्यक्तिसँग लामो समयदेखि जग्गा विवाद थियो ।
बिहान उनीहरूबीच पुन: विवाद भएको थियो । विवाद बढ्दै गएपछि दुई पक्षबीच कुटाकुट भएको थियो । गोली लागेर एकै परिवारका ६ जनाको ज्यान गएको छ ।
एकै परिवारका ६ जनाको हत्या भएपछि गाउँमा सन्नाटा छाएको छ ।
Published : Monday, 2023 October 2, 1:00 pm
बिचार/ब्लग
कहाँ पुग्यो जेनजी आन्दोलन ?
युवराज संग्रौला
फेसबुकबाट तपाईको प्रतिक्रिया