लण्डन । अप्रिलमा निर्वाचनमा पराजित सोसल डेमोक्र्याट्स पार्टीका नेता तथा फिनल्यान्डकी पूर्वप्रधानमन्त्री सन्ना मरिनले संसदीय पदबाट राजीनामा दिएकी छिन् ।

बिहीबार राजीनामा दिएर बेलायती गैरनाफामुलक संस्थाको सल्लाहकार बन्ने घोषणा गरेकी छिन् ।

मरिनले टोनी ब्लेयर इन्स्टिच्युट फर ग्लोबल चेन्जमा रणनीतिक परामर्शदाता नियुक्त भएको बताएकी हुन् ।

‘म फिनल्याण्डका लागि अन्य क्षमतामा पनि काम गर्नसक्छु । मैले गरेको राजीनामाले फिनल्याण्डलाई समग्र रूपमा फाइदा हुने मलाई लाग्छ’, उनले भनिन् ।

मरिनले भनिन्, ‘मसँग परिचित नीतिगत विषयमा विभिन्न देशका सरकार र नेताहरूलाई सल्लाह दिनेछु ।’

‘रक स्टार प्राइम मिनिस्टर’को संज्ञा दिएकी मरिनले फिनल्यान्डको आम निर्वाचनमा आफ्नो असाधारण लोकप्रियतालाई निरन्तरता दिन सकेकी थिइनन् ।

त्यसपछि मरिनले पार्टी नेतृत्वबाट राजीनामा दिएकी थिइन् । प्रधानमन्त्रीका रूपमा आफ्नो चार वर्षे कार्यकालमा असर परेको स्वीकार गर्दै उनले भनिन्, ‘कहिलेकाहिँ मेरो आफ्नै सहनशीलताको परीक्षण भएको छ ।’