आर्सनलले डक्लनलाई भित्र्याउने

लण्डन । आर्सनलले वेस्ट ह्यामका मिडफिल्डर डेक्लन राइसलाई भित्र्याउने भएको छ ।

प्रिमियर लिग क्लबले २४ वर्षीय राइसलाई १०.५ करोड पाउन्ड तिर्न सहमत भएको हो । दुई क्लबबीच सम्झौतालाई अन्तिम रूप दिने तयारी भइरहेको छ ।

यसअघि आर्सनलले गरेका दुईवटा अफरहरू वेस्ट ह्यामले अस्वीकार गरेको थियो । प्रिमियर लिग क्लब म्यानचेस्टर सिटीले राइसका लागि गरेको ९ करोड पाउन्डको अफर पनि वेस्ट ह्यामले स्वीकार गरेको थिएन ।

ह्यामरका कप्तान राइस सन् २०१४ मा चेल्सीबाट क्लबमा आबद्ध भएका हुन् । क्लबले चेल्सीका फरवार्ड काई हाभर्टजलाई अनुबन्ध गरेको छ । ६.५ करोड पाउन्डमा क्लबले उनलाई पाँच वर्षका लागि अनुबन्ध गरेको हो ।

२४ वर्षीय खेलाडीलाई चेल्सीले बायर लेभरक्युजनबाट ७.१ करोड पाउन्डमा भित्र्याएको थियो ।

Published : Thursday, 2023 June 29, 7:14 pm