चिठ्ठा पर्‍यो भनेर ठगी गर्ने समूह ललितपुरमा पक्राउ

काठमाडौं । भारतको नयाँ दिल्लीबाट नेपालीलाई भाइबर तथा म्यासेन्जरमा फोन र म्यासेज गरेर चिठ्ठा पर्‍यो भन्दै ठग्ने गिरोहका तीन जना काठमाडौंबाट पक्राउ परेका छन् ।

पक्राउ पर्नेमा उदयपुरको त्रियुगा–२ घर भइ हाल ललितपुरको सानेपा बस्दै आएका २९ वर्षीय रेवतकुमार खाती, इमालडोल बस्दै आएका ३२ वर्षीय महेशकुमार पाण्डे र २९ वर्षीय रोशन विक छन् ।

उनीहरूले चिठ्ठामा परेको समान तथा नगद भारतमा रहेको बताउँदै चिठ्ठा वापतको सामान तथा नगद लिन बीमा र धरौटी रकम तिर्नुपर्ने भन्दै पीडितसँग रकम माग गरेका थिए ।

पीडितले पठाएको रकम उनीहरूले आईएमइमार्फत बुझ्ने गरेको खुलेको महानगरीय अपराध अनुसन्धान महाशाखाले बताएको छ ।

उनीहरूले नेपालबाट रकम सङ्कलन गरेर भारतमा रहेका मुख्य एजेन्टलाई पठाउने गरेको खुलेको महाशाखाका प्रहरी उपरीक्षक नरेन्द्रप्रसाद उप्रेतीले बताए ।

Published : Thursday, 2018 March 29, 6:09 pm