ठमेल नजिकै ‘टोले गुण्डा’को उत्पात
काठमाडौं । काठमाडौंमा बिर्खबहादुर भुजेललाई धारिलो हतियार प्रहार गर्ने प्रमोद न्यौपाने पक्राउ परेका छन् ।
काठमाडौं महानगपालिका–२६ गल्कोपाखा डेरा गरि बस्ने सुनसरीका ४३ वर्षीय भुजेललाई झापाको धुलाबारी घर भएका २१ वर्षीय न्यौपानेले धारिलो हतियार प्रहार गरि घाइते बनाएको प्रहरीले जनाएको छ ।
हतियार प्रहार गरि घाइते बनाएको अभियोगमा न्यौपानेलाई बुधबार दिउँसो प्रहरीले पक्राउ गरेको विज्ञप्तिमा उल्लेख छ ।
‘प्रमोद न्यौपानेले बिर्ख बहादुर भुजेललाई चक्कु प्रहार गरी घाइते बनाएको भन्ने खबर प्राप्त हुनासाथ महानगरीय प्रहरी बृत्त लैनचौरबाट खटिएको प्रहरीले उनलाई चक्कुसहित पक्राउ गरेको हो’, विज्ञप्तिमा उल्लेख छ ।
घाइते बिर्खबहादुर भुजेलको शिक्षण अस्पताल महाराजगञ्जमा उपचार भइरहेको छ ।
ठमेलको नजिकै गल्कोपाखामा भएको सो घटनाका सम्बन्धमा प्रहरीले आवश्यक अनुसन्धान गरिरहेको जनाएको छ ।
बिचार/ब्लग
लामिछानेलाई बचाउन प्रचण्डले हुकुम प्रमाङ्गी गरेपछि कांग्रेसले के भन्यो ?
सञ्जय गौतम, सांसद, नेपाली कांग्रेस, प्रतिनिधि सभा
फेसबुकबाट तपाईको प्रतिक्रिया