काठमाडौं । नेपाली कांग्रेसका सहमहामन्त्री योगेन्द्र चौधरीले सहमन्त्री पदमा उम्मेदवारी दिने घोषणा गरेका छन् ।

नेपाली कांग्रेसको आइतबार काठमाडौंमा शुरु हुन लागेको १५औँ महाधिवेशनमा चौधरीले सहमहामन्त्री पदमा उम्मेदवारी दिने जनाएका छन् ।

दाङ क्षेत्र नं. १ बाट महाधिवेशन प्रतिनिधि रहेका चौधरीले पार्टीमा सबैलाई मिलाएर लैजाने र गुटगत राजनीतिको विपक्षमा आफू सधैँ रहेको बताए ।

उनले सहामहान्त्रीमा विजयी बनाउन महाधिवेशन प्रतिनिधिहरूसँग अपील पनि गरेका छन् ।

नेता चौधरीले कांग्रेसको वर्तमान अवस्था, बदलिँदो राजनीतिक परिस्थिति, कार्यकर्ता तथा जनताको अपेक्षा र पार्टीले आगामी दिनमा निर्वाह गर्नुपर्ने भूमिकालाई ध्यानमा राख्दै सहमहामन्त्री पदमा उम्मेदवारी दिन लागेको बताए ।

आफ्नो उम्मेदवारीलाई नेपाली कांग्रेसलाई थप एकताबद्ध, संगठित, जनमुखी, लोकतान्त्रिक र गतिशील बनाउने अभियानका रूपमा प्रस्तुत गरेको चौधरीले बताए ।