काठमाडौं । राष्ट्रिय स्वतन्त्र पार्टी (रास्वपा)ले पहिलो राष्ट्रिय महाधिवेशनबाट निर्वाचित सभापति, पदाधिकारी तथा केन्द्रीय सदस्यहरूको आधिकारिक नामावली सार्वजनिक गरको छ ।

पार्टीको निर्वाचन आयोगको बैठकले निर्वाचित नेतृत्वको अन्तिम सूची सार्वजनिक गरेको छ । आयोगले जारी गरेको सूचनामा केही केन्द्रीय सदस्य अदलबदल पनि भएका छन् । यसअघि विजय घोषित दुई उम्मेदवार केन्द्रीय समितिबाट बाहिरिएका छन् । दुई जना थप भएका छन् ।

केन्द्रीय सदस्यमा उमेदवारी दिएपनि मत परिणाममा आफ्नोभन्दा कम मत आएकालाई केन्द्रीय सदस्यमा निर्वाचित गरेको भन्दै आयोगमा उजुरी परेको थियो ।

उनी निर्वाचित हुँदा सो क्षेत्रबाट चुनाव जितेका सोम शर्मालाई केन्द्रीय सदस्यबाट हटाइएको छ । जनजाति समूहबाट कृष्णमान श्रेष्ठ निर्वाचित भएको यसअघि घोषणा गरिएपनि अहिले उनको स्थानमा ध्रुव थापा मगर निर्वाचित भएको निर्वाचन समितिले जानकारी दिएको छ ।

महाधिवेशनबाट केन्द्रीय सदस्यमा खुलातर्फ ३२ जना निर्वाचित भएका छन् । समावेशी संरचनाअनुसार खस–आर्य समूहबाट १०, जनजातितर्फ ९, थारुबाट २, मधेसीबाट ५, दलितबाट ४ तथा मुस्लिम समुदायबाट २ जना केन्द्रीय सदस्य निर्वाचित भएको आधिकारिक सूची रास्वपा निर्वाचन समितिले जानकारी दिएको छ ।

भौगोलिक समूहअन्तर्गत सातै प्रदेशबाट प्रतिनिधित्व हुने गरी ३५ जना केन्द्रीय सदस्य चयन भएका छन् ।

निर्वाचन समितिले दोस्रो चरणको निर्वाचनमार्फत पदाधिकारीमा निर्वाचित नेतृत्वको नामावली समेत औपचारिक रूपमा सार्वजनिक गरेको जनाएको छ । महाधिवेशनबाट चयन भएको नयाँ नेतृत्वको विवरण पार्टी संरचनामा अद्यावधिक गर्ने प्रक्रिया समेत अघि बढाइएको छ ।

पहिलो केन्द्रीय समिति बैठकले पदाधिकारीसहित मनोनीत गरिने केन्द्रीय सदस्यहरूको चयन गर्नेछ । त्यसपछि पार्टीको पूर्ण केन्द्रीय संरचनाले औपचारिकता पाउनेछ ।