ब्राउन सुगरसहित झापामा दुई जना पक्राउ
दमक । जिल्ला प्रहरी कार्यालय, झापाले ५६३ ग्राम ६२० मिलिग्राम ब्राउन सुगरसहित दुई जनालाई पक्राउ गरेको छ ।
झापाको कनकाई नगरपालिका–५ स्थितबाट ५६३ ग्राम ६२० मिलिग्रान ब्राउन सुगर सहित २ जनालाई शुक्रबार प्रहरीले पक्राउ गरेको विज्ञप्तिमार्फत जनाएको छ । विशेष सूचनाको आधारमा लागुऔषध नियन्त्रण व्यूरो बिराटनगर र इलाका प्रहरी कार्यालय सुरुङगाबाट खटिएको प्रहरी टोलीले मोटरसाईकल चेकजाँच गर्दा ब्राउन सुगर बरामद भएको थियो ।
झापा गाउँपालिका–६ का २२ वर्षीय साफिक उल मिया र भारतको बिहार, डिगलबैंकका २२ वर्षीय निसार आलमको साथमा रहेको झोला खान तलासी गर्दा ब्राउन सुगर बरामद भएको थियो ।
ब्राउन सुगरसहित पक्राउ परेका दुबै जनाको इलाका प्रहरी कार्यालय, अनारमनीबाट थप अनुसन्धान भइरहेको छ ।
Published : Saturday, 2026 April 18, 1:34 pm
बिचार/ब्लग
फेसबुकबाट तपाईको प्रतिक्रिया