जेनजी बनेर धम्काउँदै हिँड्ने पटके फरार अभियुक्त काठमाडौंमा पक्राउ

काठमाडौं । जिल्ला प्रहरी परिसर, काठमाडौंले ठगी तथा अपराधिक विश्वासघात र बैंकिङ कसूर मुद्दाका फरार प्रतिवादी २६ वर्षीय अर्जुनबहादुर शाहीलाई पक्राउ गरेको छ ।

परिसरका एसपी पवनकुमार भट्टराईद्वारा जारी प्रेस विज्ञप्तिअनुसार शाहीलाई पक्राउ गरेर अनुसन्धान भइरहेको उल्लेख छ । शाही अछामको पञ्जदेव विनायक नगरपालिका वडा नं. ४ घर भइ हाल काठमाडौंको रानीपोखरीमा बस्दै आएका छन् ।

पक्राउ परेका शाही उपर विभिन्न मितिमा यसअघि समेत विभिन्न मुद्दादर्ता भएको देखिन आएको एसपी भट्टराईले बताएका छन् । शाहीले आफूलाई जेनजीको नेता भनेर हाइलेबलका कर्मचारी र व्यक्तिहरूलाई धम्काउँदै आएका थिए । उनीविरुद्ध ठगी लगायत विभिन्न अपराधका धेरै मुद्दाहरू प्रहरीमा दर्ता छन् ।