पर्सा प्रहरीद्वारा साढे २ सय किलो चरेस बरामद, दुई व्यक्ति पक्राउ

वीरगञ्ज । जिल्ला प्रहरी कार्यालय, पर्साले ठूलो परिमाणमा लागूऔषध चरेस सहित २ जनालाई पक्राउ गरेको छ ।

वीरगञ्जको जगरनाथपुर ढाटस्थित सडखणडबाट प्रहरीले २४० किलो चरेस बरामद गरेको पर्सा प्रहरीका प्रमुख (एसपी) सुदीपराज पाठकले बताए ।

मकवानपुरदेखि आईसिपीतर्फ आउँदै गरेको ना ३ ख ५०९३ नम्बरको ट्रकलाई रोकी चेकजाँच गर्द ट्रकको क्याबिनमाथि फल्स बनाई लुकाई छिपाई राखेको अवस्थामा ट्रक र चरेससहित २ जनालाई पक्राउ गरेको पत्रकार सम्मेलन गरी पाठकले जानकारी दिएका छन् ।

मकवानपुरको थाहा नगरपालिका वडा नं. ११ बस्ने वर्ष २९ का सरोज मोक्तान र सोही वडाका नवराज लोलाई पक्राउ गरेको प्रेस विज्ञप्तिमा उल्लेख छ ।

विशेष सूचनाको आधारमा जिल्ला प्रहरी कार्यालय, पर्सा र वडा प्रहरी कार्यालय, श्रीपुरबाट खटिएको प्रहरी टोलीले सवारीसाधनको चेकजाँच क्रममा चरेस बरामद गरेको थियो ।

Published : Sunday, 2025 December 21, 2:34 pm