काठमाडौं । राष्ट्रपति रामचन्द्र पौडेलले अन्तरिम सरकारका तीन मन्त्रीलाई पद तथा गोपनीयताको शपथ दिलाएका छन् ।

सोमबार शीतलनिवासमा आयोजित कार्यक्रममा राष्ट्रपति पौडेलसमक्ष नवनियुक्त अर्थमन्त्री रामेश्वरप्रसाद खनाल, ऊर्जा, जलस्रोत तथा सिँचाइ, भौतिक पूर्वाधार र सहरी विकासमन्त्री कुलमान घिसिङ र गृह तथा कानूनमन्त्री ओमप्रकाश अर्याल शपथ लिएका हुन् ।

खनाल, घिसिङ र अर्याललाई प्रधानमन्त्री सुशीला कार्कीको मन्त्रीमा सिफारिस गरेकी थिइन् । शपथ समारोहमा उपराष्ट्रपति रामसहायप्रसाद यादव, प्रधानन्यायाधीश प्रकाशमानसिंह राउत, राष्ट्रियसभाका अध्यक्ष नारायणप्रसाद दाहाललगायत अधिकारी सहभागी थिए । सभामुख देवराज घिमिरे भने अनुपस्थित रहेका छन् ।

शपथ कार्यक्रममा नेपाली कांग्रेस, एमाले, माओवादी केन्द्र, रास्वपा, राप्रपा लगायतका राजनीतिक दलहरूको उपस्थिति देखिएको थिएन । विघठित प्रतिनिधि सभाका अधिकांस दलहरूले शपथ कार्यक्रम बहिस्कार गरेका छन् ।