काठमाडौं । मितेरी सहकारी संस्थाको रकम अपचलन प्रकरणमा मुछिएपछि कम्बोडिया भागेका ज्योतिबहादुर भण्डारीलाई रेड नोटिसमार्फत पक्राउ गरेर प्रहरीले नेपाल ल्याएको छ ।

रेड नोटिसका आधारमा भण्डारी कम्बोडियामा पक्राउ परेका थिए । भण्डारीलाई लिन नेपाल प्रहरीको टोली कम्बोडिया पुगेको थियो ।

भण्डारीलाई बुधबार बिहान काठमाडौं ल्याइपु¥याएर सीआईबीमा लगिएको स्रोतले जनाएको छ ।

ललितपुरको महालक्ष्मी नगरपालिकामा कार्यालय रहेको मितेरी सहकारी संस्थाको रकम अपचलन सम्बन्धी उजुरीमा सीआईबीले अनुसन्धान गरिरहेको छ ।

सहकारी ठगका अभियुक्त रास्वपाका सभापति रवि लामिछानेका पार्टनर गितेन्द्रबाबु राई (जीबी) मलेसियामा भोगेर बसेका छन् ।

राईलाई नेपाल ल्याउन कठिनाइ भइरहेका बेला गृहमन्त्री रमेश लेखकको विशेष पहलमा सहकारी ठगका अभियुक्त भण्डारीलाई रेड नोटिसमार्फत पक्राउ गरेर नेपाल ल्याइएको छ ।

सहकारीको करोडौं रकम ठगी गरेर रास्वपाका सभापति लामिछानेका पार्टनर राई मलेसिया लुकेर बसेका छन् ।