काठमाडौं । विपक्षी दलहरूले संसद अबरोध गर्दै आएका बेला सभामुख देवराज घिमिरेले प्रमुख सचेतकहरूसँग छलफल गरेका छन् ।

बुधबार संसद भवन नयाँ बानेश्वरमा सभामुख घिमिरेले प्रमुख सचेतकहरूसँग संसद सञ्चालनका विषयमा छलफल गरेका हुन् । भिजिट भिसा प्रकरणमा गृहमन्त्री रमेश लेखकको राजीनामा माग गरेर विपक्षी दलहरूले संसदको बैठक अबरुद्ध गर्दै आएका छन् । उनीहरूले छानविनको माग पनि गरेका छन् ।

संसदको बैठक सञ्चालन र विपक्षीहरूलाई मनाउन सभामुख घिमिरेले प्रमुख सचेतकहरूसँग छलफल गरेका हुन् । छलफल भए पनि अन्तिम निर्णय भइसकेको छैन ।

छलफलमा नेपाली कांग्रेसका प्रमुख सचेतक श्यामकुमार घिमिरे, एमालेका प्रमुख सचेतक महेश बर्तौला, नेकपा (माओवादी केन्द्र)का प्रमुख सचेतक हितराज पाण्डे लगायतको उपस्थिति रहेको छ ।

संसदको बैठक १ बजेका लागि बोलाइएको थियो । सभामुख घिमिरेले प्रमुख सचेतकहरूसँग छलफल गर्न समय लिएपछि बैठक लम्बिएको छ । बैठकमा आर्थिक वर्ष २०८२/८३ माथि छलफल हुने कार्यसूची रहेको छ ।