काठमाडौं । सहकारी ठगी र संगठित अपराधका अभियुक्त सभापति रवि लामिछाने पुर्पक्षमा थुनामा गएपछि राष्ट्रिय स्वतन्त्र पार्टी (रास्वपा)का सांसदहरूले प्रतिशोध देखाएका छन् ।

मंगलबार बसेको प्रतिनिधि सभाको बैठकमा रास्वपाका सांसदहरूले लामिछानेलाई पुर्पक्षमा पठाएको आक्रोश देखाएका छन् । सांसद शिशिर खनालले लामिछानेलाई सहकारी ठगी र संगठित अपराधमा मुद्दा चलाएकाले गृहमन्त्री रमेश लेखकलाई पनि राजीनामा दिन लगाएर छानविन समितिको माग गरे । सांसद खनालको अभिव्यक्तिमा प्रतिशोध देखिएका छ । उनले लामिछानेलाई सहकारी ठगीको मुद्दा चलाएको आफूहरूलाई मन नपरेको अभिव्यक्ति दिएका छन् ।

लामिछाने तत्कालीन समयमा गृहमन्त्री रहेका बेला गोरखा मिडिया नेटकर्व प्रा.लि.को सहकारी ठगी प्रकरणमा भएको छानविन र मुद्दालाई पटक पटक रास्वपाका सांसद खनालले संसदमा अभिव्यक्ति दिने बेला बोलेका थिए । रास्वपाका सांसदहरूले अध्यागमनमा सहसचिवले गरेको कार्यलाई गृहमन्त्रीसँग जोडेर राजीनामा दिनुपर्ने, छानविन र संगठित अपराधमा अनुसन्धान गर्नुपर्ने पूर्वाग्रही रुपमा माग गरेका थिए ।

रास्वपाका सांसदहरूको आक्रोश नेपाली कांग्रेसप्रति देखिएको थियो । कांग्रेसका प्रमुख सचेतक श्याम घिमिरेले बोल्न खोज्दा रास्वपाका सांसदहरूले बोल्न दिएनन् । गृहमन्त्री रमेश लेखकको राजीनामा मागेर रास्वपाका सांसदहरूले कांग्रेसप्रति प्रतिशोध साँधेका छन् ।