काठमाडौं । नेपाली कांग्रेसका नेता एवम् राज्य व्यवस्था तथा सुशासन समितिका सभापति रामहरि खतिवडाले स्व.छायाँदेवी पौडेलप्रति श्रद्धाञ्जलि व्यक्त गरेका छन् ।

सोमबार बागलुङको निसीखोला झिम्पास्थित निवासमा पुगेर सभापति खतिवडाले स्व.पौडेलप्रति श्रद्धाञ्जलि व्यक्त गरेको नेपाली कांग्रेसका महाधिवेशन प्रतिनिधि देवेन्द्र घर्ती मगरले बताए । पौडेल बागलुङ कांग्रेसका नेता टेकराज पौडेलकी आमा हुन् ।

स्व.पौडेलको निधनबाट आफू निकै मर्माहत भएको सभापति खतिवडाले बताएका छन् । उनले शोकमा रहेको पौडेल परिवारप्रति समवेदना प्रकट गरेका छन् ।
पौडेलको माघ १२ गते ७२ वर्षको उमेरमा बागलुङको निसीखोला गाउँपालिकास्थित निवासमा निधन भएको थियो ।

स्व.पौडेलका छोरा तारानाथ पौडेल बागलुङ कांग्रेसका उपसभापति छन् ।

त्यसैगरी स्व.पौडेलका छोराहरूमा चिरिञ्जीवी पौडेल, गोकर्णराज पौडेल, दीपक पौडेल, पशुपति पौडेल र प्रेम पौडेल रहेका छन् ।