कृष्णनगर । नेपाली कांग्रेस संसदीय दलका उपनेता एवम् सांसद अभिषेकप्रताप शाह र राष्ट्रिय स्वतन्त्र पार्टी (रास्वपा)का सांसद अमरेशकुमार सिंहबीच भेटवार्ता भएको छ ।

शनिबार कपिलवस्तुको कृष्णनगरस्थित नेता शाहको निवासमा शाह र सिंहबीच भेटवार्ता भएको हो । उनीहरूका बीच मुलुकको समग्र राजनीतिक विषयमा कुराकानी भएको कांग्रेस नेता शाहले बताएका छन् ।

रास्वपाका नेता एवम् सांसद सिंह लुम्बिनी प्रदेशका जिल्लाहरूको भ्रमणमा छन् । उनले सोही क्रममा कांग्रेस नेता शाहलाई निवासमै पुगेर भेट गरेका छन् ।

रास्वपा नेता सर्लाही ४ बाट निर्वाचन सांसद हुन् । सिंहले गगन थापालाई पराजित गरेका थिए । कांग्रेस नेता शाह कपिलवस्तुका लोकप्रिय मानिन्छन् । देशभरि रास्वपाको लहर चलेका बेला शाहले कपिलवस्तु ३ बाट प्रतिनिधि सभा निर्वाचनमा निर्वाचित भएका हुन् । कांग्रेसबाट निर्वाचित हुने थोरै सांसदहरूको सूचीमा नेता शाह पनि पर्छन् ।