काठमाडौं । शेरबहादुर देउवा पक्षीय नेपाली कांग्रेसका नेताहरूले आह्वान गरेको राष्ट्रिय भेलामा नेता डा.शेखर कोइराला सहभागी हुने भएका छन् ।

देउवा पक्षीय नेताहरूले साउन २९, ३० र ३१ गते काठमाडौंमा गर्न लागेको राष्ट्रिय भेलामा नेता डा.कोइराला सहभागी हुने उनको निजी सचिवालयले जनाएको छ । डा.कोइरालालाई रुघाखोकी लागेर स्वास्थ्यमा समस्या भएपछि विराटनगरमा छन् ।

भेलामा सहभागी र तयारी गर्नकै लागि नेता डा.कोइराला छिट्टै काठमाडौं आउन लागेका छन् । देउवा पक्षीय नेताहरूको राष्ट्रिय भेलालाई सफल बनाउन डा.कोइरालाले शुभकामना समेत दिइसकेका छन् ।

गगन थापा समूहले नेता डा.कोइराला देउवा पक्षीय भेलामा सहभागी नहुने र बहिस्कार गरेको भनेर गलत प्रचार प्रसार गरिरहेका छन् । तर, नेता डा.कोइराला देउवा पक्षीय नेताहरूको भेलामा आफै सहभागी भइ सम्बोधन गर्नेछन् ।

देउवा पक्षीय नेताहरूको राष्ट्रिय भेला आयोजक समितिको संयोजक डा.शशांक कोइराला छन् । उनले तयारीका विषयमा विभिन्न उपसमितिहरू बनाउनेदेखि राष्ट्रिय भेलालाई भब्य बनाउन नेता तथा कार्यकर्ताहरू परिचालन गरिरहेका छन् ।