काठमाडौंमा पक्राउ परिन् इलामकी दीपिका

काठमाडौं । प्रहरी हुँभन्दै ठगी गरेको अभियोगमा काठमाडौं महानगरपालिका–२६ गल्कोपाखा बस्ने ३३ वर्षीया दीपिका बोहोरा तामाङलाई प्रहरीले पक्राउ गरेको छ ।

इलाम नगरपालिका–१० घर भएकी दीपिकालाई बिहीबार प्रहरीले पक्राउ गरेको प्रहरी समाचार कक्ष, नक्सालले जनाएको छ ।

दीपिकाले आफूलाई नेपाल प्रहरीको प्रहरी सहायक निरीक्षक हुँभन्दै पोशाक लगाएको तस्बिर देखाई विभिन्न आश्वासन दिई ठगी गर्दै आएको प्रहरीले जनाएका छ ।

दीपिकाले आफ्नो ई–सेवा तथा मोबाइल बैंकिङमा पैसा राख्न लगाई निवेदकलाई झुक्यानमा पारी ठगी तथा आपराधिक लाभ लिने कार्यमा संलग्न रहेको भन्दै काठमाडौं उपत्यका अपराध अनुसन्धान कार्यालय, टेकुबाट खटिएको प्रहरीले काठमाडौं महानगरपालिका–२६ गंगबुबाट पक्राउ गरेको हो ।

उनलाई आवश्यक अनुसन्धान तथा कारबाहीको लागि जिल्ला प्रहरी परिसर काठमाडौं पठाइएको छ ।

Published : Saturday, 2026 July 4, 6:09 pm