योगलाई जीवनशैलीसँग जोडेर अगाडि बढाउन आवश्यक छ : मुख्यमन्त्री बानियाँ

चाँगुनारायण । बागमती प्रदेशका मुख्यमन्त्री इन्द्रबहादुर बानियाँले योगलाई स्वस्थ, अनुशासित र सकारात्मक समाज निर्माणको आधार भएको बताएका छन् ।

आइतबार भक्तपुरको चाँगुनारायण नगरपालिकालाई योग नगर घोषणा गरिएको अवसरमा आयोजित कार्यक्रमलाई सम्बोधन गर्दै बानियाँले योगलाई जीवनशैलीसँग जोडेर अगाडि बढाउन आवश्यक रहेको बताए । उनले योगले शारीरिक तथा मानसिक स्वास्थ्य सुधारका साथै सामाजिक सद्भाव र सकारात्मक सोंच विकास गर्न महत्वपूर्ण भूमिका खेल्ने बताए ।

मुख्यमन्त्री बानियाँले चाँगुनारायण नगरपालिकाले योग तथा स्वास्थ्य प्रवर्द्धनका क्षेत्रमा थालेको अभियान प्रशंसनीय रहेको बताएका छन् ।

मुख्यमन्त्री बानियाँले ‘चाँगु यं’ ज्योति सन्देश स्मारिकाको विमोचन समेत गरिएका छन् । योग विज्ञान शिविरमा सहभागीहरूले योग अभ्यास र स्वास्थ्यसम्बन्धी जानकारी लिएका छन् ।

Published : Sunday, 2026 May 24, 11:37 am