काठमाडौं । नागरिक उन्मुक्ति पार्टी नेपालका संरक्षक रेशमलाल चौधरीलाई पक्राउ गर्न पत्र लेखेका सर्वोच्च अदालतका तत्कालीन शाखा अधिकृत महिमानसिंह विष्टलाई काठमाडौं जिल्ला अदालतले ६ महिना कैद सजाय तोकिएको छ ।

काठमाडौं । नागरिक उन्मुक्ति पार्टी नेपालका संरक्षक रेशमलाल चौधरीलाई पक्राउ गर्न पत्र लेखेका शाखा अधिकृत महिमानसिंह विष्टलाई काठमाडौं जिल्ला अदालतले ६ महिना कैद सजाय तोकिएको छ ।

बिहीबार काठमाडौं जिल्ला अदालतका न्यायाधीश खिमानन्द भुषालको इजलासले विष्टलाई ६ महिना कैद सजाय तोकेको शाखा अधिकृत हेमन्त भट्टराईले जानकारी दिएका छन् ।

भट्टराईले तत्कालीन शाखा अधिकृत विष्टलाई १० हजार रुपियाँ जरिवाना पनि तोकिएको बताएका छन् । भुषालकै इजलासले चैत २२ गते विष्टलाई दोषी ठहर गरेको हो ।

सर्वोच्च अदालतमा शाखा अधिकृत हुँदा विष्टले अनधिकृत पत्र लेखेका थिए । अनधिकृत पत्रकै आधारमा प्रहरीले नागरिक उन्मुक्ति पार्टी नेपालका संरक्षक चौधरीलाई पक्राउ गरेको थियो । पक्राउ परेको केहीबेरमै उक्त पत्र अनधिकृत रहेको खुलेको थियो ।