गौर । रौतहटमा विभिन्न राजनीतिक दल त्यागेर २ सयभन्दा बढी नेपाली कांग्रेसमा प्रवेश गरेका छन् ।

सोमबार नेपाली कांग्रेस मधेश प्रदेश सभापति कृष्णप्रसाद यादवले नव प्रवेशीहरूलाई टीका लगाई पार्टीमा प्रवेश गराएका हुन् ।

माधवनारायण नगरपालिका–५ मीठुअवा कटहरिया टोलम आयोजित पार्टी प्रवेश एवं नेता कार्यकर्ता भेटघाट कार्यक्रममा विभिन्न पार्टी परित्याग गरी दुई सयभन्दा बढी व्यक्ति नेपाली कांग्रेसमा प्रवेश गरेको कांग्रेस मधेश प्रदेश प्रचार प्रसार विभागका प्रमुख नितेशकुमार गुप्ताले बताए ।

नेपाली कांग्रेस माधवनारायण नगरपालिका–५ को वडा कार्य समितिले आयोजना गरेको पार्टी प्रवेश कार्यक्रममा कटहरिया टोलका राजिनन्द सहनी नेतृत्वमा जय प्रकाश सहनी, गोपाल सहनी, रामएकवाल सहनी लगायतका नेता कार्यकर्ताहरू कांग्रेसमा प्रवेश गरेका हुन् ।

उनीहरू यसअघि नेकपा (एकीकृत समाजवादी) र एमालेमा सक्रिय रूपमा लागेका कार्यकर्ता हुन् ।