खाँदबारी । नेपाली कांग्रेसका नेता गुरुराज घिमिरेले आरोपबाट बच्न कर्मचारीले गृहमन्त्री रमेश लेखकमाथि दोष थुपारेको बताएका छन् ।

आइतबार संखुवासभाको खाँदबारीमा आयोजित कार्यक्रममा नेता घिमिरेले कांग्रेसका नेताहरूले बद्नीयत राखेर काम नगर्ने बताए । उनले गृहमन्त्री लेखकलाई जोडेर कांग्रेसको बदनाम गर्न खोजिएको बताएका छन् ।

गृहमन्त्री लेखकविरुद्ध त्रिभुवन अन्तर्राष्ट्रिय विमानस्थलको अध्यागमनको विवादमा मुछेर टिकाटिप्पणी र समाचार आएका बेला कांग्रेस नेता घिमिरेले लेखकको बचाउ गरेका छन् ।

नेता घिमिरेले पछिल्लो समय सरकारमा गएका कांग्रेसका मन्त्रीहरू अनावश्यक विवादमा मुछिएको बताएका छन् ।

कम्युनिष्ट पार्टीको अधिनमा देशको ठूलो पार्टी कांग्रेस बसेको उनले बताएका छन् ।

सुशासन, संविधान संशोधन लगायतका विषयलाई अघि बढाउन कांग्रेसले कम्युनिस्ट मिलेर सरकार बनाउने बाटो रोजेको घिमिरेले बताए ।

अहिलेको कुनैपनि मन्त्रीले जनताले देख्ने गरी काम गर्न नसकेको उनले बताए ।

कोशी प्रदेशका विभिन्न जिल्ला दौडाहमा निस्केका घिमिरेले कांग्रेस परम्परागत तरिकाले चलेको बताएका छन् ।