प्रधानमन्त्री ओलीसँग अध्यक्ष श्रेष्ठको भेट, अब सरकार नछाड्ने

काठमाडौं । प्रधानमन्त्री केपी ओलीसँग नागरिक उन्मुक्ति पार्टी (नाउपा)की अध्यक्ष एवम् संसदीय दलको नेता रञ्जीता श्रेष्ठले भेट गरेकी छिन् ।

शुक्रबार प्रधानमन्त्री निवास बालुवाटारमा ओलीसँग भेट गरेर अध्यक्ष श्रेष्ठले राजनीतिक विषयमा छलफल गरेकी हुन् । स्रोतका अनुसार सरकार छाड्ने भनेर दिएको अभिव्यक्तिलाई नाउपाकी अध्यक्ष श्रेष्ठले सच्याएकी छिन् ।

नाउपाका संरक्षक एवम् अध्यक्ष श्रेष्ठका पति रेशमलाल चौधरीलाई सर्वोच्च अदालतका एक कर्मचारीको सन्कीको पत्रले पक्राउ गरिएको विषयलाई लिएर सरकार छाड्नेसम्मको धम्की दिएका थिए ।

प्रधानमन्त्री ओलीसँगको भेटपछि अध्यक्ष श्रेष्ठले सरकार तत्काल नछाड्ने बताएको बुझिएको छ ।

आरोप लगाउनेहरूले सीके राउत नेतृत्वको जनमत पार्टीसँगको पार्टी एकतालाई रोक्न अध्यक्ष श्रेष्ठको मिलोमतोमा रेशमलाल चौधरीलाई पक्राउ गर्न लगाएको भन्ने आरोप छ ।

Published : Friday, 2025 May 9, 10:17 pm