स्वदेशी उत्पादनलाई विशेष स्थान दिएर मजदुरको शिपको कदर गर्नुपर्छ : तरुण अध्यक्ष गुरुङ

काठमाडौं । नेपाल तरुण दलका अध्यक्ष विद्वान गुरुङले अन्तर्राष्ट्रिय श्रमिक दिवसको अवसरमा शुभकमाना सन्देश दिएका छन् ।

बिहीबार अध्यक्ष गुरुङले अन्तर्राष्ट्रिय श्रमिक दिवस अर्थात् मे दिवसको अवसरमा शुभकामना दिएका हुन् ।

उनले भने, ‘सम्पूर्ण श्रमिक, मजदुर साथीहरूमा शुभकामना छ । श्रमिकहरूको पेशागत हक, हित र सम्मानको प्रतीकको रुपमा स्थापित यो दिवसले सम्पूर्ण मजदुरहरूको भावनालाई एकताको सुत्रमा बाँधेको छ ।’

अध्यक्ष गुरुङले राष्ट्रको विकासमा मजदुरहरूको महत्वपूर्ण भूमिका रहेको बताए । उनले स्वदेशी उत्पादनलाई विशेष स्थान दिएर मजदुरहरूको शिपको योगदानलाई कदर गर्नुपर्ने बताएका छन् ।

गुरुङले श्रमिक मजदुरहरूको उचित मागको सम्बोधन गर्न सरकारले विशेष ध्यान दिनुपर्ने पनि बताएका छन् ।

Published : Thursday, 2025 May 1, 5:58 pm