१४ महिनापछि प्रधानमन्त्रीबाट राजीनामा दिन्छु : ओली

काठमाडौं । कांग्रेस–एमाले गठबन्धनको सरकारविरुद्ध चौतर्फी हमला भइरहेका बेला प्रधानमन्त्री केपी ओलीले १४ महिनापछि आफूले प्रधानमन्त्रीबाट राजीनामा दिने बताएका छन् ।

शुक्रबार संसद् भवनमा पत्रकारहरूसँग कुरा गर्दै ओलीले अब १४ महिनापछि आफूले राजीनामा दिने र नेपाली कांग्रेस सभापति शेरबहादुर देउवा प्रधानमन्त्री बन्ने बताएका हुन् ।

उनले भने, ‘अब १४ महनिापछि मैले राजीनामा गर्छु, शेरबहादुरजी प्रधानमन्त्री हुनुहुन्छ ।’

माओवादी केन्द्रका अध्यक्ष पुष्पकमल दाहाल ‘प्रचण्ड’ले सरकारविरुद्ध निरन्तर हमला बोल्दै आएका छन् । उनले सरकार ढल्ने र कांग्रेससँग मिलेर सरकार बनाउने दाबी गर्दै आएका छन् ।

उता, नेपाली कांग्रेसका सभापति शेरबहादुर देउवाले गठबन्धन सरकार पूरा समय चल्ने प्रतिक्रिया दिएका छन् । सरकार ढल्ने भन्नेबारेका हल्लाहरूको देउवाले खण्डन गरेका छन् ।

Published : Friday, 2025 April 25, 8:14 pm