पहलगाम हमलामा सुदीपको मृत्युपछि भारतीय विदेशमन्त्री जयशंकर र नेपाली राजदूत शर्माबीच भेट

नयाँ दिल्ली । भारतीय विदेशमन्त्री डा.एस.जयशंकरसँग भारतका लागि नेपाली राजदूत डा.शंकर शर्माले भेट गरेर पहलगाम आतंकवादी हमलामा मृत्यु भएका नेपाली नागरिकको विषयमा छलफल गरेका छन् ।

शुक्रबार नयाँ दिल्लीस्थित विदेश मन्त्रालयमा विदेशमन्त्री डा.जयशंकर र राजदूत डा.शर्माबीच भेटवार्ता भएको हो ।

भारतीय विदेशमन्त्री डा.जयशंकरले भनेका छन्, ‘पहलगाम आतंकवादी हमलामा एक नेपाली नागरिकको मृत्यु भएकोमा नेपालका राजदूत डा. शंकर शर्मासँग भेट गरी समवेदना व्यक्त गरिएको छ ।’

पहलगाम आतंकवादी हमलामा रुपन्देहीको बुटवल उपमहानगरपालिका निवासी सुदीप न्यौपानेको मृत्यु भएको छ । नेपालले पहलगाम आतंकवादी हमलाको नेपालले कडा शब्दमा भर्त्सना गरेको छ ।

भेटवार्तामा नेपाल र भारतबीच द्विपक्षीय सम्बन्धमा भएका विकासहरूबारे पनि छलफल भएको भारतीय विदेशमन्त्री डा.जयशंकरले भनेका छन् ।

Published : Friday, 2025 April 25, 7:33 pm