पालुङटारकी करिना हुन्डीको ९ लाख र ६ लाखको चेकसहित पक्राउ

काठमाडौं । जिल्ला प्रहरी परिसर काठमाडौंले ९ लाख नगदसहित हुन्डी कारोबारमा संलग्न १९ वर्षीया करिना देवकोटालाई पक्राउ गरेको छ ।

आइतबार काठमाडौंको न्यूरोडबाट गोरखाको पालुङटार नगरपालिका वडा नं. १० बागडाँडा घर भएकी देवकोटालाई पक्राउ गरिएको विज्ञप्तिमा उल्लेख छ ।

हुन्डी कारोबारमा संलग्न रहेकीको आरोप लागेकी देवकोटालाई प्रहरी काठमाडौं जिल्ला अदालतमा पेश गरेको छ । अदालतले देवकोटालाई ५ दिन हिरासतमा राखेर अनुसन्धान गर्न अनुमति दिएको छ ।

देवकोटाको साथबाट प्रहरीले ९ लाख रुपियाा र ६ लाख रुपियाँको चेक पनि बरामद गरेको छ । न्यूरोड क्षेत्रमा हुन्डीको कारोबार भइरहेको सूचनाका आधारमा प्रहरी वृत्त जनसेवाबाट खटिएको टोलीले देवकोटालाई नगदसहित पक्राउ गरेको थियो ।