माओवादीको अस्थिर राजनीतिक चरित्रकै कारण कांग्रेस-एमालेको सरकार : डा.महत

नुवाकोट । नेपाली कांग्रेसका प्रवक्ता डा.प्रकाशशरण महतले माओवादीको अस्थिर राजनीतिक चरित्रकै कारण कांग्रेस र एमालेको नयाँ गठबन्धन बनेको बताएका छन् ।

शुक्रबार नुवाकोटमा नेपाली कांग्रेस शिवपुरी गाउँपालिकाको प्रथम सम्मेलनलाई सम्बोधन गर्दै पूर्वमन्त्री समेत रहेका डा.महतले कांग्रेस–एमाले गठबन्धनको सरकारले देश र जनतालाई उच्च प्राथमिकतामा राखेर काम गर्नुपर्ने बताए ।

उनले राजनीतिक स्थायित्व, विकास र समृद्धिका लागि कांग्रेसको नेतृत्व आवश्यक रहेको बताए । कांग्रेसको अगुवाइमा देशले स्थिरता र आर्थिक प्रगति हासिल गर्ने प्रवक्ता डा.महतले बताएका छन् ।

उनले कांग्रेस नेतृत्वमा भएका विकास निर्माण कार्यहरूको तुलना कुनै पनि दलसँग हुन नसक्ने बताएका छन् ।

Published : Friday, 2025 February 28, 9:16 pm