काठमाडौं । बेल्जियममा बसेर प्रधानमन्त्री केपी ओली र न्यायालय तथा न्यायाधीशविरुद्ध सामाजिक सञ्जालमा जथाभावी लेखेको विषयमा प्रकाशित समाचारको सनत आचार्यले खण्डन गरेका छन् ।

दोहोर्‍याएर खण्डन पठाई आचार्यले ‘प्रहरी निगरानीमा सनत आचार्य, बेल्जियममा बसेर प्रधानमन्त्री, न्यायधिससहितका व्यक्तिको चरित्रहत्या’ शीर्षकको समाचारको खण्डन गरेका हुन् ।

आचार्यले ‘प्रहरी निगरानीमा सनत आचार्य, बेल्जियममा बसेर प्रधानमन्त्री, न्यायधिससहितका व्यक्तिको चरित्रहत्या’ शीर्षकको समाचारको खण्डन गरेका हुन् ।

उनले भनेका छन्, ‘डिसेम्वर २४ को पोष्टमा रवि लामिछानेबिरुद्धको मुद्धामा गोला प्रकृयाद्धारा इजलास छनौट गर्दा माननीय न्यायाधीश नितिज राईको इजलासमा मुद्धा परेको र मैले माननीय न्यायाधीश र न्याय क्षेत्रमा प्रवेशका सम्वन्धमा जानकारी गराएको छु ।’

‘प्रधानमन्त्री केपी ओलीले बाघ र जंगलका विषयमा सार्वजनिक मञ्चमा बोलेका विषयलाई मैले सामान्य शब्दमा कटाक्ष गर्दा प्रधानमन्त्रीबिरुद्ध चरित्रहत्या कसरी भयो ? लोकतन्त्रमा प्रेस तथा अभिव्यक्ति स्वतन्त्रता, वाक स्वतन्त्रता सबैमा हुन्छ भन्ने कुरा हामीले बिर्सन हुँदैन । यति भन्दैमा लोकतन्त्रमा आम संचार क्षेत्र र नागरिक समेतलाई सबै गर्न छुट छभन्ने पनि हुँदैन’, आचार्यले भनेका छन् ।

उनले भने, ‘नेपाली समाजलाई एकआपसमा जोड्न राजसंस्थाको आवश्यक छभन्ने महसुश गरेको व्यक्ति हुँ तर, राजावादी हैन ।’ उनले आफू नेपाली नागरिक नै भएको भन्दै नागरिकता र पासपोर्ट दुबै नेपाली रहेको बताएका छन् ।

आचार्यको खण्डन