सरकारले १६ लाख किशोरीलाई क्यान्सरविरुद्धको खोप लगाइदिने

काठमाडौं । स्वास्थ्य तथा जनसंख्यामन्त्री प्रदीप पौडेलले सरकारले १६ लाख किशोरीलाई क्यान्सरविरुद्धको खोप लगाउन लागेको बताएका छन् ।

शनिबार काठमाडौंमा आयोजित कार्यक्रममा पौडेलले १० देखि १४ वर्षसम्मका १६ लाख किशोरीलाई क्यान्सरविरुद्धको खोप लगाउन लागेको बताए । उनले भने, ‘महिलामा क्यान्सर हुन नदिन सरकारले यही माघ २२ देखि देशभरका १६ लाख किशोरीमा क्यान्सरविरुद्धको खोप प्रदान गर्न लागेको छ ।’

उनले पाँच वटा अस्पतालमा किशोरीका लागि क्यान्सरको निःशुल्क उपचारको व्यवस्था सरकारले मिलाएको बताएका छन् ।

नागरिकको योगदानमा आधारित कोष बढाएर स्वास्थ्य बीमाको रकमसमेत बढाउँदै आम नागरिकको उपचारमा खर्च गर्ने गरी सरकारले योजना बनाएको मन्त्री पौडेलले बताए ।

उनले छिरिएर रहेको स्वास्थ्य रकमलाई बीमा कोषमार्फत उपचार गराउने प्रबन्ध गरिने बताए ।

Published : Sunday, 2025 January 19, 11:38 am