काठमाडौंका सीडीओ गृह मन्त्रालयमा तानिए, ७ जिल्लाका सीडीओ हेरफेर

काठमाडौं । गृह मन्त्रालयले काठमाडौंसहित सात जिल्लाका प्रमुख जिल्ला अधिकारी (सीडीओ)हरू को सुरुवा गरेको छ ।

सोमबार १२ सहसचिव तथा उपसचिवहरूको सरुवा गरेको गृह मन्त्रालयले जनाएको छ ।

काठमाडौंका सीडीओ जयनारायण आचार्य गृह मन्त्रालय तानिएका छन् । सहसचिव ऋषिराम तिवारीलाई काठमाडौंको सीडीओको जिम्मेवारी दिएर सरुवा गरिएको छ ।

मोरङका सीडीओ प्रेमप्रसाद भट्टराई, झापाका बन्धु बाँस्तोला र सुनसरीका रामचन्द्र तिवारी पनि मन्त्रालय तानिएका छन् ।

कैलालीका सीडीओ धर्मेद्रकुमार मिश्रको सुनसरीमा सरुवा भएको छ । कैलालीमा गोगनबहादुर हमाललाई सीडीओको जिम्मेवारी दिइएको छ ।

तुलसीबहादुर श्रेष्ठ सर्लाही, न्द्रदेव यादवलाई मोरङ, सर्लाहीका सीडीओ गोपालकुमार अधिकारीको झापा र दाङका सहायक प्रमुख जिल्ला अधिकारी सावित्रा पुनको सरुवा सल्यानको सीडीओमा भएको छ ।

Published : Monday, 2025 January 6, 9:16 pm