काठमाडौं । स्व.गुरुप्रसाद मैनालीद्वारा लिखित अमर कृति ‘परालको आगो’मा नामक चलचित्र निर्माण हुने भएको छ ।

‘परालको आगो’ चलचित्रको अभिनेत्रीमा सुहाना थापा रहनेछिन् । सुहानाले चलचित्रमा गौथली चरित्रको अभिनयमा देखिनेछिन् । नायिका थापाले भनेकी छिन्, ‘परालको आगो चलचित्रमा गौथलीको रुपमा एक हिस्सा हुन पाउँदा म आफूुलाई निकै भाग्यमानी ठानेकी छु ।’

‘यो कथा निम्न वर्गीय विवाहित जोडीको पारिवारिक कथा हो, गौथली चरित्रले सिङ्गो विवाहित महिलाको प्रतिनिधित्व गर्नेछ’, नायिका सुहानाले भनेकी छिन् ।

‘परालको आगो’ करिव ४५ वर्ष पहिला श्यामश्वेत कलरमा चलचित्र निर्माण भएको थियो । जस्मा अभिनेत्री बसुन्धरा भुसालको अभिनय रहेको थियो ।

गौथलीको भूमिकामा आफूले काम गर्ने हिम्मत जुटाएको नायिका सुहानाले बताएकी छिन् । ‘परालको आगो’ चलचित्रका निर्माता सुशील पोखरेल हुन् । चलचित्रको निर्देशक लक्ष्मण सुनारले गर्नेछन् ।