काठमाडौंमा खुकुरी हानेर भागेका दुई जना गुण्डाहरू पक्राउ

काठमाडौं । प्रहरीले काठमाडौंबाट दुई जना गुण्डाहरूलाई पक्राउ गरेको छ ।

ज्यान मार्ने उदेश्यले खुकुरी प्रहार गरेको अभियोगमा प्रहरीले संखुवासभाको खाँदबारी नगरपालिका–५ घर भएका २५ वर्षीय मिङमा शेर्पा र सोही ठाउँका ३० वर्षीय रिन्जी शेर्पालाई पक्राउ गरेको जनाएको छ ।

उनीहरूलाई प्रहरीको टोलीले शनिबार काठमाडौंको पुरानो बसपार्कबाट पक्राउ गरेको हो ।

उनीहरूले शुक्रबार राति साढे १० बजेतिर काठमाडौं महानगरपालिका–२५ उग्रतार मन्दिर अगाडि रुकुमपूर्व जिल्लाको सिस्ने गाउँपालिका–५ घर भएका २४ वर्षीय सुमन खड्कामाथि ज्यान मार्ने उदेश्यले खुकुरी प्रहार गरेको आरोप लागेको छ ।

पक्राउ परेका दुवै जनालाई थप अनुसन्धान तथा कारबाहीका लागि प्रहरी वृत्त जनसेवा पठाइएको अपराध अनुसन्धान कार्यालयका एसपी तथा प्रवक्ता काजीकुमार आचार्यले बताएका छन् ।

Published : Monday, 2024 August 12, 12:27 am