प्रदीपमाथि गम्भीर प्रश्न उठेका बेला मल्लिकलाई दिइयो उडान सुरक्षाको जिम्मेवारी

काठमाडौं । निरन्तर ठूला ठूला हवाई दुर्घटना भइरहेका बेला नेपाल नागरिक उड्डयन प्राधिकरणले ईञ्जिनियर प्रभाकर चन्द्र मल्लिकलाई उडान सुरक्षा प्रमुखको जिम्मेवारी दिएको छ ।

शुक्रबार बसेको प्राधिकरणको बोर्ड बैठकले मल्लिकलाई उडान सुरक्षा प्रमुखको जिम्मा दिएको प्राधिकरणले जनाएको छ । यसअघि मल्लिक एयरवर्दी नेस महाशाखाको प्रमुख थिए ।

मल्लिकले कस्मिक एयर, सीता एयर, एमिरेट्स एयरमा एरोनोटिकल इन्जिनियरको रूपमा काम गरिसकेका छन् ।

प्राधिकरणको उडान सुरक्षा प्रमुखमा यसअघि मुकुल मिश्र थिए । मिश्र अहिले गौतमबुद्ध अन्तर्राष्ट्रिय विमानस्थलको विभागीय प्रमुखमा सरूवा भएर गएका छन् ।

प्राधिकरणका महानिर्देशक प्रदीप अधिकारीको नेतृत्व र क्षमतामाथि प्रतिनिधि सभा र विभिन्न संसदीय समितिहरू प्रश्न उठिरहेका बेला मल्लिकले नयाँ जिम्मेवारी पाएका छन् ।

Published : Sunday, 2024 August 11, 4:36 pm