त्रिभुवन विमानस्थलमा ठूलो परिमाणमा कोकिन बरामद

काठमाडौं । नेपाल प्रहरीको लागुऔषध नियन्त्रण व्यूरो, कोटेश्वरले ६ किलो २४ ग्राम कोकिन सहित एकजनालाई पक्राउ गरेको छ ।

लागुऔषधसहित लातविजास नागरिक इवास वाल्टर्सलाई बुधबार बिहान लागूऔषध नियन्त्रण व्यूरो कोटेश्वरबाट खटिएको प्रहरीले पक्राउ गरेको बिहीबार आयोजित पत्रकार सम्मेलनमा जानकारी दिइएको छ ।

कतार एयरवेजको उडानद्वारा नेपाल आएका उनलाई त्रिभुवन अन्तर्राष्ट्रिय विमानस्थल भन्सार कार्यालयको आगमन कक्षको वाक थ्रु गेटमा तलासी गर्दा साथमा रहेको सुटकेशभित्र लुकाई छिपाई राखेको कोकिन फेला पारेको विज्ञप्तिमा उल्लेख छ ।

उनीउपर लागूऔषध मुद्दामा जिल्ला अदालत काठमाडौंबाट म्याद थप अनुमति लिई घटनाका सम्बन्धमा प्रहरीले आवश्यक अनुसन्धान गरिरहेको छ ।