काठमाडौं । नेपाली कांग्रेसका प्रवक्ता डा. प्रकाशशरण महतले जारी महासमिति बैठकमा नेपालको वर्तमान आर्थिक अवस्था, सम्भावना र भावी दिशा सम्बन्धी प्रतिवेदन प्रस्तुत गरेका छन् ।

मंगलबार कांग्रेसको महासमिति बैठकमा अर्थमन्त्री समेत रहेका डा. महतले लोकतान्त्रिक समाजवादको आर्दशलाई आत्मासाथ कांग्रेसले गर्ने बताए । उनले आर्थिक वृद्धि र न्यायोचित वितरण, उपत्पादन वृद्धि र रोजगारी सिर्जना तथा सामाजिक सुरक्षाको प्रत्याभूति गर्नुपर्ने नीतिको पक्षमा कांग्रेस अडिग रहेको बताए ।

२०७७ असार मसान्तमा बैंक तथा वित्तिय प्रणालीमा ३२१० अर्बबाट वृद्धि भई कर्जा प्रवाह ०७९ असार मसान्तसम्म ४६२१ अर्ब पुगेको डा. महतले प्रतिवेदनमा उल्लेख गरेका छन् ।

उनले अर्थतन्त्रलाई गतिशील बनाउन पहल भइरहेको भन्दै रू १०० मा कम्पनी खोल्न सकिने सरल व्यवस्था गरिएको बताएका छन् ।

बजेट अनुसशानका लागि आर्थिक वर्ष ८०/८१ को बजेट मार्फत घोषणा गरेको आर्थिक सुधार र बजेट प्राणाली सुधारका अधिंकास विषयहरू कार्यान्वयन क्रममा रहेको बताए ।

उनले भने, ‘परम्परागत शैलीमा आउने नीति तथा कार्यक्रम र बजेट निर्माण प्रकृयामा सुधार गर्न आर्थिक कार्यविधि तथा वित्तिय उत्तरदायित्व ऐन २०७६ लाई संसोधन गरि संसदमा बजेटका सिद्धान्त र प्राथामिकताबारे यथेष्ट छलफल गर्ने व्यवस्था मिलाइएको छ ।’

प्रतिवेदन प्रस्तुत गर्दै अर्थमन्त्री डा.महतले अन्तर्राष्ट्रिय विकास सहायता सम्बन्धी नयाँ नीतिको तर्जुमा सुरू गरिएको उल्लेख गरेका छन् ।

‘जुनसुकै परियोजनामा अनावश्यक ऋण सहायता लिने प्रवृत्तिको सट्टा आवश्यकता र औचित्यका आधारमा ऋण परिचालन पनि गर्न सुरू गरिएको छ’, उनले भने ।

अर्थतन्त्रमा चुनौती कायमै रहेपनि समिष्टिगत आर्थिक परिसूचकमा क्रमश: सुधार हुँदै गएको उनले प्रतिवेदनमा उल्लेख गरेका छन् ।