बर्दियाको मन्दिरबाट सालिग्राम चोरी

गुलरिया । बर्दिया जिल्लामा मन्दिरबाट एक किलो तौल भएको सालिग्राम लगायतका सामग्री चोरी गर्ने ३४ वर्षीय महेन्द्र बिकलाई प्रहरीले पक्राउ गरेको छ ।

ठाकुरबाबा नगरपालिका–९ ठाकुरद्वारास्थित ठाकुरबाबा मन्दिर परिसरभित्रबाट चोरी गरेको १ किलोग्राम तौल बराबरको ठूलो सालिग्राम १ थान, ३ सय ग्राम बराबरको सालिग्राम ३ थान र २ सय ५० ग्राम पितलको घोडा १ थानसहित बिकलाई पक्राउ गरिएको विज्ञप्तिमा उल्लेख छ ।

ठाकुरबाबा नगरपालिका–९ गोब्रेला बस्ने बिकलाई सोमबार बिहान प्रहरीले पक्राउ गरेको छ ।

मन्दिरमा चोरी भएको जानकारी प्राप्त हुनासाथ अस्थाई प्रहरी पोष्ट ठाकुरद्वाराबाट खटिएको प्रहरीले अनुसन्धानको क्रममा उनको घर तलासी गर्दा चोरी गरेका उक्त सामान फेला पारी बिकलाई पक्राउ गरेको छ ।

Published : Monday, 2023 December 11, 10:50 pm