टीकापुरका न्यौपाने सिभिल अस्पतालबाट पक्राउ
![](https://i0.wp.com/www.republicadainik.com/wp-content/uploads/2023/12/Ramesh-Neupane.jpg?resize=810%2C510&ssl=1)
काठमाडौं । बैदेशिक रोजगारीका लागि अमेरिका पठाइदिन्छु भनेर रकम ठगी गरेको अभियोगमा प्रहरीले २८ वर्षीय रमेश न्यौपानेलाई पक्राउ गरेको छ ।
कैलालीको टीकापुर नगरपालिका वडा नं. १ घर भई हाल काठमाडौंको कोटेश्वरमा बस्दै आएका न्यौपानेलाई काठमाडौंको नयाँबानेश्वरस्थित सिभिल अस्पतालबाट पक्राउ गरिएको विज्ञप्तिमा उल्लेख छ ।
न्यौपानेले गणेश अधिकारी समेत ५ लाई वैदेशिक रोजगारीको लागि अमेरिका पठाइदिन्छु भनेर रकम ठगी गरेको अभियोग लागेको छ ।
न्यौपानेले ५ जनासँग प्रतिव्यक्ति पैतालीस लाख रुपियाँ लाग्ने भनेर आश्वासन दिएका थिए । अमेरिका पुगेपछि प्रतिष्ठित होटलमा काम लगाइदिन्छु भनेर न्यौपानेले ठगी गरेको आरोप छ । अमेरिका पुगेपछि तीन लाख रुपियाँ मासिक तलब हुने भनिएको थियो ।
न्यौपानेले पीडितहरूबाट पटक–पटक गरी चौसठ्ठी लाख पैतालीस हजार रुपियाँ रकम लिई सम्पर्क विहीन भई भागेका थिए ।
न्यौपानेलाई थप अनुसन्धान तथा कारवाहीको लागि वैदेशिक रोजगार विभाग ताहाचल, काठमाडौं पठाइएको छ ।
बिचार/ब्लग
![](https://i0.wp.com/www.republicadainik.com/wp-content/uploads/2024/07/Sherbahadur-Deuba-1-1.jpg?resize=200%2C200&ssl=1)
सभापति देउवाले विश्वासको मत दिँदा दिएको अभिव्यक्ति
शेरबहादुर देउवा, सभापति एवं नेता संसदीय दल, नेपाली कांग्रेस![](https://i0.wp.com/www.republicadainik.com/wp-content/uploads/2024/07/Sudarshan-Thapaliya.jpg?resize=200%2C200&ssl=1)
फेसबुकबाट तपाईको प्रतिक्रिया