कैलालीका पाण्डे न्यूरोडबाट पक्राउ
![](https://i0.wp.com/www.republicadainik.com/wp-content/uploads/2023/12/Padamprasad-Pandeya-Republi.jpg?resize=810%2C510&ssl=1)
काठमाडौं । अवैध रूपमा सुन तथा हुण्डी कारोबार गरेको अभियोग प्रहरीले काठमाडौंबाट एकजनालाई पक्राउ गरेको छ ।
प्रहरीले कैलालीको लम्कीचुहा नगरपालिका–७ घर भई हाल काठमाडौं महानगरपालिका–१५ स्वयम्भू बस्ने ४१ वर्षीय पदमप्रसाद पाण्डेलाई मंगलबार दिउँसो पक्राउ गरेको विज्ञप्तिमार्फत जनाएको छ ।
न्यूरोड लगायत बिभिन्न ठाउँमा बिलबिजक बिनाको सुनका गरगहनाहरू बिक्री वितरण गरेको तथा गैरकानूनी रूपमा हुण्डी मार्फत वित्तीय कारोबार गर्ने गरेको सूचनाको आधारमा प्रहरीले न्यूरोडस्थित ओम पर्ल गोल्ड प्रा.लि. र कैलाश ज्वेलर्स प्रा.लि.बाट उनलाई सुनका विभिन्न गरगहनासहित पक्राउ गरेको थियो ।
![](https://i0.wp.com/www.republicadainik.com/wp-content/uploads/2023/12/Gold-Paisa-Republicadaini.jpg?resize=810%2C410&ssl=1)
उनको साथबाट प्रहरीले सुनका टुक्राहरू, अमेरिकी डलर र नगदसहित फेला पारी पक्राउ गरेको छ ।
उनको साथबाट सुन तथा सुनका गरगहना ७ केजी १ सय ८५ ग्राम ३ सय ३५ मिलिग्राम, ३९ लाख ५० हजार रूपियाँ, ४ हजार १ सय अमेरिकी डलर र विभिन्न कागजात रहेका रेकर्ड फाइल प्रहरीले बरामद गरेको छ ।
उनलाई आवश्यक अनुसन्धान तथा कारबाहीको लागि जिल्ला प्रहरी परिसर टेकु, काठमाडौं पठाइएको छ ।
बिचार/ब्लग
![](https://i0.wp.com/www.republicadainik.com/wp-content/uploads/2024/07/Sherbahadur-Deuba-1-1.jpg?resize=200%2C200&ssl=1)
सभापति देउवाले विश्वासको मत दिँदा दिएको अभिव्यक्ति
शेरबहादुर देउवा, सभापति एवं नेता संसदीय दल, नेपाली कांग्रेस![](https://i0.wp.com/www.republicadainik.com/wp-content/uploads/2024/07/Sudarshan-Thapaliya.jpg?resize=200%2C200&ssl=1)
फेसबुकबाट तपाईको प्रतिक्रिया