विषादी सेवनका कारण अभिनेत्री दीपाशाको मृत्यु
![](https://i0.wp.com/www.republicadainik.com/wp-content/uploads/2023/11/Dipasha-Bc-Jalpari.jpg?resize=810%2C491&ssl=1)
काठमाडौं । अभिनेत्री २८ वर्षीया दीपाशा बिसी ‘जलपरी’को विषादी सेवनका कारण मृत्यु भएको छ ।
बुधबार राति बिसीले बिषादी सेवन गरेका कारण अस्वास्थ्य भएको काठमाडौं प्रहरी परिसर, टेकुका एसपी तथा प्रवक्ता कुमोध ढुंगेलले बताएका छन् ।
एसपी ढुंगेलले भने, ‘दीपाशा बिसीले बिषादी सेवन गरेको र उपचारका क्रममा मृत्यु भएको भन्ने जानकारी आएको छ ।’
काठमाडौंको रानीबारीस्थित निवासमा दीपाशाले बिषादी सेवन गरेको हुन सक्ने अनुमान प्रहरीको छ ।
दीपाशालाई असहज भएपछि जनिकैको अस्पतालमा उपचारका लागि लगिएको थियो । सो अस्पतालले अर्को सुविधा सम्पन्न अस्पतालमा लगेर उपचार गराउन रिफर गरेपछि थापाथलीमा रहेको नर्भिक अस्पतालमा भर्ना गरिएको आफन्तहरूले बताएका छन् ।
दीपाशालाई उपचारका क्रममा बिहीबार दिउँसो अस्पतालले मृत घोषणा गरेको नर्भिकका सीईओ अजय मिश्रले पत्रकारहरूलाई बताएका छन् ।
सुर्खेत जिल्ला स्थायी ठेगाना भएकी दीपाशाले मोडलिङबाट कलाक्षेत्रमा अगाडि बढेकी थिइन् ।
चलचित्र ‘बिरानो माया’, ‘चाल’, ‘दुलही रानी’ र ‘झेली’मा उनले अभिनय गरेकी छिन् । २०६८ मा रिलिज भएको ‘दुलही रानी’ दीपाशाको डेब्यु चलचित्र हो ।
दीपाशाले व्यूटीपार्लर पनि सञ्चालन गर्दै आएकी थिइन् । दीपाशालाई विगतमा आफ्नै महिला व्यावसायिक पार्टनरले धोका दिएर लाखौँ रकम ठगी गरेको चर्चा त्यस बेला चलेको थियो ।
बिचार/ब्लग
![](https://i0.wp.com/www.republicadainik.com/wp-content/uploads/2024/07/Sherbahadur-Deuba-1-1.jpg?resize=200%2C200&ssl=1)
सभापति देउवाले विश्वासको मत दिँदा दिएको अभिव्यक्ति
शेरबहादुर देउवा, सभापति एवं नेता संसदीय दल, नेपाली कांग्रेस![](https://i0.wp.com/www.republicadainik.com/wp-content/uploads/2024/07/Sudarshan-Thapaliya.jpg?resize=200%2C200&ssl=1)
फेसबुकबाट तपाईको प्रतिक्रिया