काठमाडौं । नेपाल कम्युनिस्ट पार्टीका महासचिव नेत्रविक्रम चन्द ‘विप्लव’ले आफ्ना छोरा डा.प्रकाश चन्दको विवाह गरिदिएका छन् ।

बुधबार कपिलवस्तुको शिवपुरमा प्रकाश र डा.मान्यता थापाबीच विवाह भएको हो । मान्यता चितवन निवासी हुन् ।

प्रकाश र मान्यताबीच चितवनमा एमबीबीएस अध्ययका क्रममा मायाप्रेम भएको थियो । अहिले आएर उनीहरूले विवाह गरेका छन् ।

विवाहमा विप्लवको पार्टीका शीर्ष नेता, परिवारका सदस्य तथा शुभेच्छुकहरूको सहभागिता रहेको थियो ।

प्रकाशको विवाहमा लुम्बिनी प्रदेशसभाका सभामुख तथा माओवादी केन्द्रका नेता तुलाराम घर्ती ‘वसन्त’ पनि पुगेका थिए ।

विप्लवका छोरा प्रकाश पार्टी निकट जनस्वास्थ्यकर्मी संघको केन्द्रीय महासचिव छन् । प्रकाशकी पत्नी केन्द्रीय सदस्य छिन् ।

विप्लवले जनताका छोराछोरीलाई कथित युद्धमा लगाएर आफ्ना छोरालाई चिकित्सक बनाएका छन् । जनताको कुरा गरेर हैरान बनाएका विप्लवले छोराप्रति निकै मोह राख्छन् ।